بسم الله الرحمن الرحيم
السلام عليكم ورحمة الله وبركاته
اليوم بعرض لكم رسمه خفيفه
وهي محاكاه لدرس رسم الخيل
مع اضافه مني الخشبه مدري وش يسمونها اللي ينط عليها
ياليت الاقي رايكم وملاحظاتكم
واذا اصهلت كنّها اللي يطلب العونه --- تقل تبـي فزعة ابن سمير والنوري
والذيل كنّه جدايـل خـطـو مزيـونـه --- واللون بنّ ٍ يسـاق لراعي الشـوري
اذا ادبرت كنّها مْن الناس مهيـونـه --- واذا اقبلـت كنّها ريّـس بلد ثوري
...................................................................................................
حنا انتباهى بالخيول الأصيلات = مبطي وحنّا خيلنا حيلـــها حيل
الخيل واضح وصفهن بالروايات = خيّالهن ما يــاردنّه على الويل
حتّى بجور الوقت للخيل وقفات = مواقف(ن) تِنقَل على جيل من جيل
ضاقت بحاتم طَيْ راعي الجمالات = ولا لقى لعيون ضيـفه سوى الخيل
....................................................................................................
دام أقسم الله للبشر بالعاديات = تكفي كرامه يا هل الخيل للخيل
اللي ليامن روّحن متتاليات = وبظهورهن ناسٍ طفح فيهم الكيل
هنيّهم على ظهور الموريات = خيّالهن يمشي ضحى ما مشى ليل
ودام الله اللي قال عنهن مُغيرات = أجل كرامتهن من الراس للذيل
....................................................................................................
الخيل ياهل الخيل ردوا المغاتير = شدوا سروج للوغى تبرك رجال
شدوا على ظهور تساوت مضامير = نبي صهيل جيادكم يرعب جبال
تضرب حراشيف الحصى بالمحافير = كن العرق منها وعليها لها جلال
إلا اقبلت كن الليالي مدابير = وإلا ادبرت كن الفخر صار يختال
بنحورها تروي زمان المساطير = وبصنافها تبقى اصاله مع ابطال
الخيل عز ينتخي به مناعير = الخــيل خيل لا تاحمت بخيال
الخيل ياهل الخيل ردوا المغاتير = شدوا سروج للوغى تبرك رجال
الشعر منقول
ليست هناك تعليقات:
إرسال تعليق