_____________
الحنين للماضي
_____________
ذكـرتــك يا زمـان أول
كثـــر مافكـري يـتجول
مـع أيامك مع سنـــينك
مـع شوق ٍ معـاك طـــول
ذكـرت الناس بالديــره
ومبدا الجار والجــيره
ونـاس ٍ مـن بسـاطتــها
تجيك بعالـي الـسيــره
ذكرت الـوقت وأطباعــه
وجــو الـطيـب وأنواعه
وســلم ٍ معتـلي بـالعز
في كل لحظه في كل ساعه
ذكرت الهمسه والكلــمه
وثقل الـقول والحـكمـه
ومبدا الدين والدنـيـا
ومعنى العيشه والقـسمه
ذكرتـك والـذكـر عالـي
مـدامـك يـا زمـن غالي
تربع في وسـط قلــــبي
مــع حلـي وتـرحــالـي
____________________________________________________________________
________________
رحلهـ للأمل
ــــــــــــــــــــــــــــــــــــــــــــــــــــــ
ياطير ياطيـر ياطيرالسعـد ياللـي تـرف الجنـاح
لا واهنيـك ليـا ضاقـت عليـك ألارض خليتـهـا
وأن رحت وأن جيت ياطير السعد تسبق هبوب الرياح
وأظن مافيـه ديـره فـوق وجـه ألارض ماجيتهـا
مانته بمثلي تجي وتروح مايصعـب عليـك المـراح
لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
اللـي علـى شانـه الاقـدام عنتـنـي وعنيتـهـا
في ماض الايام اشوفه قدم عيني في المساء والصباح
واليوم حتى العلوم اللي تجينـي عنـه مـا أوحيتهـا
وليا نشدت العرب ماحـدٍ يعلمنـي عنـه ويـن راح
وأتعبـت نفسـي وبالنشـده كثيـر النـاس بذيتهـا
لاووجودي على شوفتك لـو مـره ياظبـي البـراح
ياللي على شانـك العبـره علـى الخديـن هليتهـا
يابوعيـون هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا
____________________________________________________________________
qleau
